Wos I in Zukunft nerma moch!

Grias eich Leidls. Mei Name is die Mierzl Pausch und I leb auf an Hauf in da wunderscheinen Steiermork. Zurzeit dorma umbaun, deswegen hob I mie org wenig gmöd. So a schweine Orwat is des, do find I ned a moi es Mahn so schlimm. Jo I her jetzt auf zu jammern und kim jetzt zum Grund wieso I deis schreib. Jesus Maria I wors gor ned wo I anfangen suit. Letztes Wochnend I sogs eich do wors zum Saufen und do hob I orfoch so a Scheiße aufgfirt. Da Tog hot jo gaunz normal augfangan. Bin um 5e aufgreit Steu gei und es wor eigentlich relativ wie immer. Die Kier worn nau mird so wie I aber hüft jo nix. Danauch sei ma dan urnltich wos Jausn gangan I sogs eich der Kaffee wor nau nir so gurd hob ma glei an zweiten owigfetzt. Jo eigentlich is dan in restlichen Tog nerma fü passiert. Die Graußmurder hot nau Mittageisn fü uns gmocht. Do hob I mie so richtig angfressen, dass I dan a moi a Schlafal mochn hob mirsn. Jo danauch hob I a WhatsApp fa mein Gaid griak. Darin hota mie gfrogt ob I heint Lust hob auf a klors Birli. I hob ma so denkt wiesau ned, sau hob I erm dan gschriem das I dabei bin. Jo naucha bin I wieder eigschlaufn bis dan orfoch die Murda ins Zimmer einer blert kimb, I suit sofort aufkrein weil es is zum Steu mochn. Sau bin I dan aufkreit und hob mie im Steu nützlich gmocht. Nauch da Orwat bin I mie dan duschn gangan und hob mei Leiderhausn und a Leiwal auzaung. Dan hob I mie um mei Unterlog kümmert. I hob ma a gurde Schweinzbrotnfetn mit da Graußmurder ihrn Brot einizogen. Sogs eich deis is die beiste Unterlog dei wos eich nur vorsteun kinnts. Wie I feritg wor mitn Jausn hob I ma a bissl a Schminke ins Gfris kaut, das I a bissl erträglicher ausschau und dan nau a Pafei fürs gurde rirchn. Wie I feritg wor hob I mie nau a bissl ins Beit einigschmißen, warat sogor fost nau mal eigschlofen aber mie hot a Klingln aufkeutn. 4 Sekunden speiter wor mei Gaid scha im Zimmer und hot mie mit zaht. Wir hom nau schnö da ganzen Familie pfirt gsog und dan san ma zum Gaid gfohrn. Nur so am Raund, mei Gaid warat Single er is 19 und is a Bauer also wen wer Interesse hot fa eich sogs mas I verkuppl eich. Jo sau wau worm ma jetzt aso genau ba mein Gaid dahorm. Also er hot ma glei a moi a Bier in die Haund druckt und hom glei a moi augfang zum Saufn. Nach ana Zeit sein immer mehr Leid kemman. I hob erlich docht er lohnt ned so fü Hansl ei. Deis is erlich sau org eskaliert irgendwie. Gfüd auf or meu wor es gaunze Dorf ba mein Gaid dahorm. Am lirbstn hät I erm ane gwatscht weil er hot genau den orn Hawi eiglohnt mit dem I scha a moi gschmust hob. I sogs eich am lirbstn hät I mie vergrohm. Den restlichen Obend hob I mie orfoch nur mehr zur gschitt bis I auf or meu neben den orn Hawi gstanden bin. I hon keine Ahnung wie I auf or meu durt hi kemman bin. Jedenfeus homa dan a bissl greit und am Schluss bin I dan mit erm mit. I sogs eich I bereis so sehr und an eus kau I mie nerma erinnern aber ors wors I es nächste meu frog I erm wer kimb. Bussi und Baba hob eich lieb.